अनेक प्रलोभनं दाखवणाऱ्या योजना सध्या आपल्या आजुबाजूला आहेत...आणि यांना बळी पडल्याने लोकांचा कोट्यवधींचा पैसा पळवला जातो. या योजनांना पाँझी स्कीम्स म्हटलं जातं.   या योजना काम कशा करतात... आणि यातल्या धोक्याच्या घंटा कशा ओळखायच्या...समजून घेऊयात आजच्या सोपी गोष्ट मध्येरिपोर्ट आणि निवेदन : अमृता दुर्वे एडिटिंग : शरद बढे

ह्युमन मेटान्यूमो व्हायरस (Human Metapneumo Virus) अर्थात HMPV हे नाव गेल्या काही दिवसात अचानक सगळीकडे ऐकू यायला लागलंय. चीनमध्ये या आजाराचा संसर्ग फोफावला. त्यानंतर भारतातही या विषाणूनं शिरकाव केला. भारतात आधी कर्नाटकात आणि नंतर महाराष्ट्रातही रुग्ण सापडले. महत्त्वाची गोष्ट म्हणजे, या रुग्णांपैकी बहुतेक सगळी लहान मुलं आहेत आणि त्यांची कोणतीही ट्रॅव्हल हिस्ट्री नाही म्हणजेच ही लहान मुलं कुठूनही दूरचा प्रवास करून आलेली नव्हती. मग लहान मुलांना HMPV ची लागण कशी झाली? लहान मुलांना या विषाणूपासून जास्त धोका आहे का? समजून घेऊयात सोपी गोष्टमध्ये. रिपोर्ट आणि निवेदन : अमृता दुर्वे एडिटिंग : मयुरेश वायंगणकर

Remote Robotic Arm चा वापर करणं हा Indian Space Research Organisation म्हणजे इस्रोच्या सध्या सुरू असणाऱ्या स्पेस डॉकिंग एक्सपेरिमेंट म्हणजे SpaDeX मिशनचा भाग आहे. श्रीहरीकोटामधल्या सतीश धवन स्पेस सेंटरमधून 30 डिसेंबरला ही मोहीम लाँच करण्यात आली होती. या रोबोटिक आर्मच्या वापराचा व्हीडिओ इस्रोने शेअर केलाय. पहिल्यांदाच इस्रोने हे तंत्रज्ञान विकसित केलंय. संपूर्णपणे भारतीय बनावटीच्या या Robotic Arm च्या मदतीने अंतराळामध्ये काय करता येणार आहे? या आर्मची खासियत काय आहे? समजून घेऊयात सोपी गोष्टमध्येरिपोर्ट आणि निवेदन : अमृता दुर्वे एडिटिंग : मयुरेश वायंगणकर

दिवसातली सगळ्यांत मोठी बातमी सोप्या भाषेत

शेरेंटिग म्हणजे Share and Parenting ...मुलांबद्दलचे अपडेट्स, फोटो - व्हीडिओ सोशल मीडियाचा वापर करून फार मोठ्या प्रमाणात शेअर करण्याची पालकांची सवय.  खरंतर हे शेअर करण्यामागे पालकांचा अगदी साधा - कौतुक - अभिमानाचा हेतू असतो... पण मुलांच्या भविष्यावर त्यांच्या सोशल लाईफवर याचा परिणाम होण्याची शक्यता असते... कशी? नेमकी काय काळजी पालकांनी घ्यायला हवी? समजून घेऊयात सोपी गोष्टमध्ये

तुमचे UPI व्यवहार आणखी सुरक्षित कसे कराल? पाहा ही सोपी गोष्टस्क्रिप्ट आणि निवेदन - अमृता दुर्वे एडिटिंग - शरद बढे

गुंतवणूक करताना ती एकाच ठिकाणी न करता वेगवेगळ्या पर्यायांमध्ये विभागून करा असं सगळे गुंतवणूक सल्लागार सांगतात. प्रत्येक पर्यायाचं स्वरूप वेगळं असतं... त्यातली जोखीम वेगवेगळी असते. जोखीम कमी असणारा, स्थिर परतावा देणारा गुंतवणुकीचा एक पर्याय म्हणजे PPF - पब्लिक प्रॉव्हिडंट फंड. काय आहे ही योजना, यात गुंतवणूक कशी करायची आणि याचे फायदे काय आहेत. समजून घेऊयात सोपी गोष्टमध्ये... रिपोर्ट - टीम बीबीसी निवेदन - अमृता दुर्वे एडिटिंग - शरद बढे

20 जानेवारी 2025 ला डोनाल्ड ट्रम्प अमेरिकेचे नवे राष्ट्राध्यक्ष होतील, त्यानंतर तब्बल 18,000 भारतीयांवर अमेरिकेतून परत पाठवलं जाण्याची - Deportation ची टांगती तलवार असणार आहे. का करण्यात येणार आहे ही कारवाई? डोनाल्ड ट्रम्प अमेरिकेचे राष्ट्राध्यक्ष झाल्यानंतर इमिग्रेशनबद्दलची धोरणं कशी बदलण्याचा अंदाज आहे? समजून घेऊयात सोपी गोष्टमध्ये

प्लास्टिक ही गोष्ट अचंबित करणारी आहे. म्हणजे, या प्लास्टिकमुळे जगभरात ताजं अन्नं एका ठिकाणाहून दुसरीकडे पाठवलं जाऊ शकतं. हे प्लास्टिक आपल्याला ऊब देतं.. किंवा थंड ठेवतं..पावसापासून कोरडं ठेवतं. लशी - औषधांची मोठ्या प्रमाणात अब्जावधी लोकांसाठी जगाच्या एका टोकापासून दुसरीकडे सुरक्षित वाहतूकही प्लास्टिकमुळे शक्य होते. पण जसे फायदे तसे तोटे... याच प्लास्टिकचं आपल्या मातीतलं - आपल्या समुद्रांमधलं - अगदी प्राण्यांच्या, पक्ष्यांच्या आणि माशांच्या पोटातलं प्रमाण दिवसेंदिवस वाढतंय. आता पृथ्वीवर असलेल्या जमिनीवरच्या आणि समुद्रातल्या सगळ्या प्राण्यांपेक्षा जास्त वजनाचं प्लास्टिक सध्या पृथ्वीवर आहे. मग प्लास्टिकची ही जागतिक समस्या सोडवता येईल का... आणि कशी? समजून घेऊयात सोपी गोष्टमध्ये

दर महिन्याला पगारातून प्रॉव्हिडंट फंडची रक्कम कापली जाते. तितकीच रक्कम तुम्ही जिथे नोकरी करता ती कंपनी वा संस्थाही तुमच्या खात्यात भरत असते आणि त्यातून तुमच्या निवृत्तीच्या पेन्शनची तजवीज होते. पेन्शनची ही रक्कम कशी मोजायची? EPF - म्हणजे एम्प्लॉईज प्रॉव्हिडंट फंड काय आहे? या EPFO चे नियम समजून घेऊ आजच्या सोपी गोष्टमधूनरिपोर्ट : टीम बीबीसी निवेदन : अमृता दुर्वे एडिटिंग : अरविंद पारेकर

इंटरनॅशनल स्पेस स्टेशनमध्ये अडकलेले अंतराळवीर - सुनीता विल्यम्स आणि बुच विल्मोर यांचं पृथ्वीवर परतणं पुन्हा लांबणीवर गेलंय. जून 2024 मध्ये आठ दिवसांच्या मोहीमेसाठी बोईंग स्टारलायनरमधून गेलेले अंतराळवीर बोईंगच्या यानातल्या तांत्रिक अडचणींमुळे इंटरनॅशनल स्पेस स्टेशनमध्येच अडकले आहेत. फेब्रुवारी 2025 हे अंतराळवीर पृथ्वीवर परततील असं नासाकडून यापूर्वी सांगण्यात आलं होतं. पण आता या अंतराळवीरांना परत आणण्यासाठी जाणाऱ्या यानाचा लाँच पुढे गेलाय. नेमकं काय झालं? सुनीता विल्यम्स - बुच विल्मोर यांचा परतीचा प्रवास कसा होणार? आणि त्यांची तब्येत कशी आहे? समजून घेऊयात आजच्या सोपी गोष्टमध्येरिपोर्ट आणि निवेदन : अमृता दुर्वे एडिटिंग : शरद बढे

नीलकमल बोटीला अपघात झाला त्यावेळी बचावासाठीच्या कोणत्याही पूर्वसूचना देण्यात आलेल्या नव्हत्या, कोणीही लाईफजॅकेट घातलं नव्हतं, बोट बुडायला लागल्यावर जॅकेट्स घातली असं या अपघातातून बचावलेल्यांनी सांगितलंय.बोटींच्या सुरक्षिततेसाठी काय नियम आहेत? त्यांच्या अंमलबजावणीची जबाबदारी कुणाची? पाहा, आजच्या सोपी गोष्टमध्येरिपोर्ट आणि निवेदन - अमृता दुर्वे एडिटिंग - निलेश भोसले

मोबाईल फोनसाठीची ऍक्सेसरी म्हणून सुरुवातीला बाजारात आलेली Wearable Technology म्हणजे तुम्ही अंगावर घालून फिरू शकता अशा गॅजेट्समध्ये गेल्या 10 वर्षांमध्ये प्रचंड सुधारणा झाल्या आहेत. फिटनेस बँड्स, वॉचेस आणि आता अगदी रिंग्स बाजारात आहेत. ही टेक्नॉलॉजी काही प्रमाणात फायद्याची ठरतेय. पण यामुळे काही वेगळ्याच गंभीर समस्याही उभ्या राहतायत. आजच्या सोपी गोष्टमध्ये समजून घेऊयात फिटनेस ट्रॅकर्स तुमच्यासाठी धोकादायक कसे ठरू शकतात... आणि त्यासाठी काय करायचं...रिपोर्ट आणि निवेदन : अमृता दुर्वे एडिटिंग : निलेश भोसले

जीडीपीची ताजी आकडेवारी सांगते की जुलै ते सप्टेंबर या काळामध्ये भारतीय अर्थव्यवस्थेच्या प्रगतीचा हा दर 5.4% वर आलाय. गेल्या सात तिमाहींमधला हा निचांकी दर आहे आणि रिझर्व्ह बँकेने व्यक्त केलेल्या 7 टक्क्यांच्या अंदाजापेक्षा बराच कमी देखील आहे. भारतीय अर्थव्यवस्था मंदावतेय का? काय कारणं आहेत यामागे? समजून घेऊयात सोपी गोष्टमध्ये.रिपोर्ट : टीम बीबीसी निवेदन : अमृता दुर्वे एडिटिंग : अरविंद पारेकर

रिटायरमेंट प्लानिंग.. म्हणजे निवृत्तीनंतरची तजवीज... म्हणजे वयाच्या एका ठराविक टप्प्यानंतर आपल्याकडे किती पैसे असायला हवेत, पैशांचा नियमित स्त्रोत कुठून - कसा सुरू राहू शकतो वगैरे गोष्टी. तज्ज्ञांच्या मते तुम्ही नोकरी करायला सुरुवात करता, तेव्हाच रिटायरमेंट प्लानिंगला सुरुवात करायला हवी. यासाठी अनेक मार्ग आहेत. पण आज आपण जाणून घेऊ यासाठीचा एक मार्ग NPS - म्हणजे National Pension Scheme बद्दल आजच्या सोपी गोष्टमध्ये.लेखन - दिनेश उप्रेती निवेदन - अमृता दुर्वे एडिटिंग - निलेश भोसले

सुनीता विल्यम्स अंतराळात लेट्यूस उगवून पाहतायत. अंतराळात शेती करता येते का? अंतराळात शेती करून काय साध्य होणारे? यापूर्वी असा प्रयोग झालाय का? समजून घेऊयात सोपी गोष्टमध्ये.रिपोर्ट आणि निवेदन : अमृता दुर्वे एडिटिंग : निलेश भोसले

2024 हे जसं जगभरात निवडणुकांचं वर्षं होतं, तसंच हे युद्धांचं - संघर्षांचंही वर्ष ठरलंय. रशिया - युक्रेन, इस्रायल - गाझा युद्धं सुरू होतीच. त्यात भर पडली इस्रायल - लेबनॉन, इस्रायल - इराण या संघर्षांची. आणि आता सीरियामध्ये पुन्हा एकदा बंडखोर आणि तिथल्या सरकारमधला संघर्ष उफाळून आलाय आणि त्यामध्येच रशियाने 1 डिसेंबरच्या पहाटे सीरियाच्या काही भागांवर हल्ले केलेयत. सीरियात नेमकं काय सुरू आहे... आणि आताच नाही, तर गेली काही दशकं सीरियामध्ये यादवी युद्ध का सुरू आहे? पहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

उत्तर प्रदेशातल्या बरेलीमध्ये अर्धवट बांधकाम झालेल्या पुलावरून कार कोसळल्याने तीन जणांचा मृत्यू झाला. गुगल मॅप्सनुसार गाडी चालवत निघालेल्या या लोकांनी मॅपमध्ये दाखवलेला रस्ता निवडला आणि अपघात झाल्याचं सांगितलं जातंय. गुगल मॅप्सचं काम नेमकं कसं होतं? कोणत्या रस्त्याने जायचं, ट्रॅफिक किती आहे, हे कसं मोजलं जातं? आणि या अॅपकडूनही माहिती देताना चुका कशा होऊ शकतात?पहा सोपी गोष्टरिपोर्ट आणि निवेदन : अमृता दुर्वे एडिटिंग : अरविंद पारेकर

म्युच्युअल फंड म्हणजे काय? या म्युच्युअल फंडमध्ये कोणते प्रकार आहेत? त्यामध्ये गुंतवणूक कशी करायची? आणि मुख्य म्हणजे त्यामध्ये धोके कोणते आहेत? पहा सोपी गोष्टरिपोर्ट : टीम बीबीसी निवेदन : अमृता दुर्वे एडिटिंग : निलेश भोसले

दिवसातली सगळ्यांत मोठी बातमी सोप्या भाषेत